دنیائے فٹبال کے جانے مانے اسٹار فٹبالر کرسٹیانو رونالڈو کے بعد اب چیمپیئن لیونل میسی نے بھی سعودی عرب کے لیے رخت سفر باندھ لیا ہے۔
گزشتہ سال قطر میں منعقدہ فیفا ورلڈ کپ کے بعد پرتگال کے اسٹار فٹبالر کرسٹیانو رونالڈو نے سعودی عرب سے ایک کلب سے معاہدے کے بعد خاندان سمیت مملکت میں سکونت اختیار کرلی ہے اب خبر ہے کہ دنیائے فٹبال کے ایک اور اسٹار کھلاڑی اور ارجنٹائن کو ورلڈ چیمپئن بنانے والے لیونل میسی نے بھی خاندان سمیت سعودی عرب کے لیے رخت سفر باندھ لیا ہے۔
لیونل میسی بھی رواں ماہ کے آخر میں سعودی عرب کا دورہ کریں گے۔
اس حوالے سے سعودی عرب کے وزیر سیاحت احمد الخطیب سماجی رابطے کی ویب سائٹ ٹوئٹر پر اسٹار فٹبالر لیونل میسی کے سعودی عرب آنے کا اعلان کرتے ہوئے بتایا کہ وہ سیاحتی مقامات کی سیر کیلیے اہلخانہ کے ہمراہ مملکت آئیں گے، جہاں وہ خوبصورت مقامات سے لطف اندوز ہوں گے۔
I am happy to welcome our Tourism Ambassador and star Lionel Messi and his family and friends this month on his second visit to Saudi to enjoy our most beautiful tourism destinations, connect with our people and enjoy unique experiences! @VisitSaudi pic.twitter.com/GCpX6JLAVu
— Ahmed Al Khateeb أحمد الخطيب (@AhmedAlKhateeb) March 8, 2023
واضح رہے کہ میسی کا دورہ سعودی عرب کے وژن 2030 کا حصہ ہے۔
اس سے قبل گزشتہ سال مئی میں لیونل میسی نے سعودی عرب کا دورہ کیا تھا، جہاں انہوں نے ساحلی شہر جدہ میں ایک سالانہ تہوار میں شرکت کی تھی۔