سپراسٹار فٹبالر لیونل میسی کہیں بھی موجود ہوں مداح ان کا پیچھا نہیں چھوڑتھے، ٹریفک جام میں بھی ایسا ہی کچھ دیکھنے میں آیا۔
سوشل میڈیا پلیٹ فارم ایکس پر ایک ویڈیو وائرل ہورہی ہے جس میں مداح نے ٹریفک جام کے دوران اپنی گاڑی سے میسی کی گاڑی میں ٹی شرٹ پھینک دی اور اس پر فٹبالر سے آٹو گراف دینے کی فرمائش کی۔
اس دوران کار میں بیٹھے میسی بھی مسکراتے رہے اور مداح کی خواہش کا احترام کرتے ہوئے اس کی ٹی شرٹ پر آٹو گراف بھی دیا جس کی ویڈیو وائرل ہوگئی۔
اس دوران مداح اپنی کار سے اتر کر ان سے شرٹ لینے آیا جس سے میسی نے ہاتھ بھی ملایا اور پھر تیزی سے گاڑی وہاں سے نکال کر لے گئے۔
الأسطورة مع المُعجبين ✍🏻 pic.twitter.com/siZfXEiIRE
— Messi World (@M10GOAT) January 24, 2024
مذکورہ ویڈیو سامنے آنے اور ارجنٹائنی سپراسٹار کی جانب سے مداح کے ساتھ خوش مزاجی کا مظاہرہ کرنے کے واقعے کو صارفین سراہ رہے ہیں۔
