لکھنؤ : بھارتی وزیر اعظم نریندر مودی کے چھوٹے بھائی پرہلاد مودی بھی بڑے بھائی کی حکومت کی پالیسیوں کے خلاف دھرنے پر بیٹھ گئے۔
تفصیلات کے مطابق بھارت کے لکھنؤ ایئر پورٹ پر وزیر اعظم نریندر مودی کے چھوٹے بھائی پرہلاد مودی نے حکومتی اقدامات کیخلاف دھرنا دے دیا۔
بھارتی میڈیا کا کہنا ہے کہ پرہلاد مودی اپنے حامیوں کو پولیس کے ذریعہ گرفتار کیے جانے کے عمل سے ناراض ہیں ان کا مطالبہ ہے کہ گرفتار افراد کو جلد از جلد آزاد کیا جائے۔
آل انڈیا فیئر پرائس شاپس فیڈریشن کے نائب صدر پرہلاد مودی اس سے قبل بھی بی جے پی حکومت پر شدید تنقید کرچکے ہیں، ایک سابقہ بیان ان کا کہنا تھا کہ یہ حکومت عوام کی توقعات کو پورا کرنے میں ناکام ہوگئی ہے اور عوامی مسائل کے حل کے لئے قوت ارادی نہیں رکھتی۔
PM Narendra Modi's brother Prahlad Modi stages sit-in at Lucknow airport, says police stopped his supporters: Airport official
— Press Trust of India (@PTI_News) February 3, 2021
پرہلاد نے بی جے پی کو وارننگ دیتے ہوئے کہا تھاکہ اگر حکومت عوام کے مسائل پر توجہ نہیں دیتی تو اتر پردیش و بہار کے اسمبلی انتخابات میں اس کو شکست کا سامنا کرنا پڑ سکتا ہے، بصورت دیگر یوپی اور بہار میں وہی ہوگا جس کا سامنا دہلی میں بی جے پی کو ہوا تھا۔
