افغانستان کے خلاف میچ میں محمد شامی کو شامل نہ کرنے پر بھارتی شائقین کرکٹ نے کپتان روہت شرما اور مینجمنٹ کو آڑے ہاتھوں لے لیا۔
آئی سی سی کرکٹ ورلڈکپ میں بھارت اپنے دوسرے میچ میں افغانستان کے مدمقابل تھا تاہم ان فارم فاسٹ بولر محمد شامی پلیئنگ الیون میں اپنی جگہ بنانے میں ناکام رہے اور ان کی جگہ بھارتی مینجمنٹ نے شردل ٹھاکر کو ٹیم کا حصہ بنایا۔
بھارتی شائقین کو امید تھی کی دہلی کی کنڈیشنز کو دیکھتے ہوئے روی چندرن ایشون کی جگہ ٹیم میں محمد شامی کو شامل کیا جائے گا تاہم ایسا نہ ہوسکا اور ممکنہ طور پر بیٹنگ کو مضبوط بنانے کے لیے آل راؤنڈر شردل ٹھاکر کو چنا گیا۔
کئی بھارتی سپورٹرز ٹیم میں شامی کی عدم شمولیت پر ناخوش نظر آئے اور انھوں نے سوشل میڈیا پر اپنے دل کی بھڑاس نکالتے ہوئے کپتان روہت شرما اور ٹیم مینجمنٹ کو تنقید کا نشانہ بنایا۔
https://twitter.com/shriramtweet/status/1712019345680019948?ref_src=twsrc%5Etfw%7Ctwcamp%5Etweetembed%7Ctwterm%5E1712019345680019948%7Ctwgr%5E4f1bef995e8656ffe7bdf8b64634a10a86e6f009%7Ctwcon%5Es1_c10&ref_url=https%3A%2F%2Fwww.sportskeeda.com%2Fcricket%2Fnews-what-rohit-thinking-choosing-team-fans-react-india-bench-mohammed-shami-2023-world-cup-tie-vs-afg
ایک صارف نے لکھا کہ ’بھارتی ٹیم کافی مسخرہ پن کررہی ہے جس کا مجھے پہلے ہی ڈر تھا، شامی یا ایشون کی جگہ شردل کو کھلایا گیا۔
برہمی کا اظہار کرتے ہوئے ایک شخص نے کہا کہ افغانستان کے خلاف میچ کے لیے ٹیم منتخب کرتے ہوئے روہت کیا سوچ رہے تھے، شامی ٹیم میں کیوں نہیں کھیل رہے۔
Shami should have been included in the playing 11 today. As he have good record against afgan and would also have been good for rotation. #INDvsAFG #Ind pic.twitter.com/xMFXwzZRNP
— Loha (@Lohasingh1999) October 11, 2023
ایک اور صارف نے لکھا کہ ٹھاکر کی جگہ شامی کو ٹیم میں کیوں نہیں لیا گیا۔ بیٹنگ کے بارے میں کیا سوچنا یہ پچ تو ویسے ہی بیٹنگ فرینڈلی ہے۔
واضح رہے کہ ورلڈکپ سے قبل آسٹریلیا کے خلاف سیریز میں شامی نے بہترین کاکردگی کا مظاہرہ کیا تھا جب کہ پہلے میچ میں انھوں نے پانچ وکٹیں بھی حاصل کی تھیں۔
