کراچی : ایم کیوایم رہنما فیصل سبزواری نے بلاول بھٹو کے بیان پر کہا بلاول صاحب اتنابولیں کہ کل ساتھ بیٹھنےمیں شرمندگی نہ ہو آپ کے بابا کو صدر بننے کے لیے ہماراووٹ چاہیئے ہوگا۔
تفصیلات کے مطابق ایم کیوایم رہنما فیصل سبزواری نے چیئرمین پی پی بلاول بھٹو کے بیان پر ردعمل بلاول بھٹو دیتے ہوئے کہا کہ ایم کیوایم کو17نشستیں دی گئیں، آپ کی نشستیں جیت اور ایم کیوایم جیتے تو نشستیں دی گئیں۔
فیصل سبزواری کا کہنا تھا کہ مرزااختیاربیگ،نبیل گبول جیت سکتےہیں توایم کیوایم کیوں نہیں، 2018میں ہم جیتے ہوئے تھے لیکن نشستیں نہیں ملیں۔
رہنما ایم کیو ایم نے کہا کہ بلاول صاحب آپ کے وزیراعظم بننے کا خواب ایم کیو ایم نے نہیں ووٹرزنے چھینا ہے، بانی پی ٹی آئی کیخلاف عدم اعتمادپربلاول کے والد ہمارے در پر آئے تھے، خالدمقبول کےساتھ معاہدےپرآپ نےہی دستخط کیے تھے۔
فیصل سبزواری کا بلاول بھٹو کو مخاطب کرتے ہوئے کہنا تھا بلاول صاحب اتنابولیں کہ کل ساتھ بیٹھنےمیں شرمندگی نہ ہو آپ کے بابا کو صدر بننے کے لیے ہماراووٹ چاہیئے ہوگا، اسپیکر کے الیکشن پر آپ کو ہمارے ووٹ کی ضرورت پڑے گی۔
انھوں نے مزید کہا کہ الیکشن پرکسی کو اعتراض ہے تو ہائیکورٹ ،الیکشن ٹریبونل جائیں۔
