کراچی: منتخب وزیر اعلیٰ سندھ مراد علی شاہ صبح 7 بجکر 45 منٹ پر وزیراعلیٰ ہاؤس آمد پہنچے جہاں انہیں گارڈ آف آنر پیش کیا گیا۔
تفصیلات کے مطابق پاکستان پیپلز پارٹی کے رہنما اور نومنتخب وزیراعلیٰ سندھ مراد علی شاہ نے گزشتہ روز لگاتار تیسری مرتبہ اپنے عہدے کا حلف اٹھا لیا آج انہوں نے سلامی لینے کے بعد اپنے فرائض منصبی کا آغاز کر دیا۔
ترجمان وزیر اعلیٰ سندھ نے بتایا کہ آفس پہنچنے کے بعد مرادعلی شاہ نے چیف سیکریٹری، آئی جی سندھ سے علیحدہ علیحدہ میٹنگز کیں۔
واضح رہے کہ گورنر ہاؤس میں حلف اٹھانے کی تقریب منعقد ہوئی، گورنر کامران خان ٹیسوری نے مراد علی شاہ سے وزیراعلیٰ سندھ کا حلف لیا۔
تقریب حلف برداری میں پیپلزپارٹی کے چیئرمین بلاول بھٹو کے ساتھ ساتھ سابق نگران وزیر اعلیٰ سندھ جسٹس ریٹائرڈ مقبول باقر بھی شریک ہوئے۔
Comments
- Advertisement -
