بھارتی پنجاب کے شہر پٹیالہ کی پنجابی یونیورسٹی میں دو گروپوں کے درمیان مہلک تصادم میں 20 سالہ طالب علم ہلاک ہو گیا۔
بھارتی میڈیا کے مطابق پنجابی یونیورسٹی کے طالب علم کے قتل کی ایک سی سی ٹی وی فوٹیج سامنے آئی ہے۔ مقتول کی شناخت نوجوت سنگھ کے طور پر ہوئی ہے جو انجینئرنگ کا طالب علم ہے۔ اسٹوڈنٹس اور کچھ بیرونی افراد کے درمیان تصادم کے بعد نوجوت کو قتل کیا گیا ۔
ویڈیو میں موٹر سائیکل پر سوار حملہ آوروں کو موقع سے آسانی سے بھاگتے ہوئے دیکھا جا سکتا ہے جب کہ کچھ طلبہ زخمی نوجوان کو موٹرسائیکل پر بٹھا رہے ہیں اور اسے اسپتال روانہ کیا جا رہا ہے۔
Video after the murder of 20-year-old engineering student Navjot Singh in Punjabi University, #Patiala yesterday. After committing the murder, some youths easily went on a bike and no one even caught them. https://t.co/BxjLxwSeL5 pic.twitter.com/G4GBCRrjJd
— Nikhil (@NikhilCh_) February 28, 2023
یونیورسٹی حکام کے مطابق یہ تصادم اس وقت ہوا جب انجینئرنگ کالج کے باہر کچھ بیرونی افراد آپس میں لڑ پڑے اس دوران ملزم نے طالب علم پر چاقو سے وار کیا جسے سرکاری اسپتال منتقل کیا گیا جہاں وہ دم توڑ گیا۔
نوجوت پنجابی یونیورسٹی کے کالج آف انجینئرنگ میں کمپیوٹر سائنس انجینئرنگ (CSE) کا طالب علم تھا۔
ریاست میں امن و امان کی بگڑتی ہوئی صورتحال پر اپوزیشن نے ریاستی حکومت کو تنقید کا نشانہ بنایا ہے۔ اس واقعے پر ردعمل ظاہر کرتے ہوئے، بی جے پی لیڈر جئے اندر کور نے پنجاب کے وزیر اعلی بھگونت مان سے کہا کہ وہ "جاگ جائیں”۔