راولپنڈی: مری کشمیر پوائنٹ پر ٹورازم اسکواڈ اور گھڑ سواروں میں جھگڑے کے نتیجے میں 3 اہل کار زخمی ہو گئے۔
تفصیلات کے مطابق مری کشمیر پوائنٹ پر متعدد گھڑ سواروں نے تشدد کر کے ٹورازم اسکواڈ کے 3 اہل کاروں کو زخمی کر دیا ہے۔
پولیس رپورٹ کے مطابق ایک شہری نے بدتمیزی کی شکایت کی تھی جس پر ٹورازم اسکواڈ نے موقع پر جا کر معاملہ دیکھا، تو کئی افراد نے ان پر حملہ کر دیا۔
ٹورازم اسکواڈ نے حملہ کرنے والے ملزمان کے خلاف کارروائی کے لیے تھانہ مری میں درخواست دے دی ہے۔
درخواست میں کہا گیا ہے کہ عقیل عباسی، قمر شاہ، اور مراد علی نے 15 دیگر نامعلوم افراد کے ساتھ مل کر ٹورازم اسکواڈ پر حملہ کیا، اور تشدد کرتے ہوئے تین اہل کاروں کو زخمی کر دیا۔
Comments
- Advertisement -
