The news is by your side.

Advertisement

شرمیلا فاروقی کے بیان پر نادیہ خان کا سخت ردعمل

کراچی: اداکارہ اور میزبان نادیہ خان نے پیپلزپارٹی رہنما شرمیلا فاروقی کی جانب سے کارروائی کرنے کے بعد اپنا ردعمل دے دیا۔

اداکارہ نادیہ خان نے انسٹاگرام پر شوہر کے ہمراہ ویڈیو شیئر کرتے ہوئے بتایا کہ شرمیلا کی والدہ میرے سامنے ہی کھڑی تھیں میں نے ان سے کہا کہ میں آپ کی بڑی مداح ہوں چلیں تصویر بناتے ہیں، اس کے بعد میں سب کی ویڈیوز بنا رہی تھی انیسہ فاروقی موجود تھیں۔

انہوں نے کہا کہ میں ان کو چھوڑ کر دوسری طرف چلی جاتی لیکن مجھے مناسب نہیں لگا کہ میں سب سے بات کررہی ہوں اور انہیں چھوڑ کر چلی جاؤں۔

نادیہ خان نے کہا کہ میں نے ان کو عزت دی اور ان کی تعریف کرکے ان کو خوش کرنے کی کوشش کی۔

 

View this post on Instagram

 

A post shared by Niche Lifestyle (@nichelifestyle)

اداکارہ نے شرمیلا پر طنز کرتے ہوئے کہا کہ کیا میں ان سے یہ پوچھتی کہ آپ کی بیٹی کے اکاؤنٹس کا بیلنس کیا ہے، کیا میں ان سے اس طرح کی نجی باتیں کرتی؟ لیکن میں نے ایسا نہیں کیا، میں نے ان سے وہ بات کی جو ان کو خوش کرتی۔

انہوں نے کہا کہ جب ہم کسی کی شادی میں جاتے ہیں تو کہتے ہیں آنٹی آپ نے کتنا حسین جوڑا پہنا ہے، ویڈیو میں آپ ایک لفظ ڈھونڈ لیں کہ یہ خراب تھا، شرمیلا نے میرے لیے ’بے شرم‘ کا لفظ کیوں استعمال کیا؟ یہ غلط لفظ ہے یہ جرم ہے۔

نادیہ خان نے مزید کہا کہ وہ کہہ رہی ہیں کہ کسی بھی عورت کے لیے کھڑی ہوجائیں گی اور لڑیں گیں تو آپ کسی کو بے شرم کہہ رہی ہو اس پر شرم نہیں آتی۔

اداکارہ نے کہا کہ انہوں نے مجھ سے سات دن تک رابطہ کیوں نہیں کیا، انہوں نے اپنے اسٹیٹس پر کیوں لگایا پھر وہ میڈیا میں کیوں چلی گئیں، بیٹی، بہو، ماں کے بارے میں بات ہوتی ہے تو کیا ہم میڈیا پر جاتے ہیں نہیں بلکہ ہم معاملے کو سلجھاتے ہیں۔

 

View this post on Instagram

 

A post shared by Centre Stage (@centrestage__)

واضح رہے کہ گزشتہ روز نادیہ خان کی شرمیلا فاروقی کی والدہ کے ساتھ ویڈیو وائرل ہوئی تھی جس میں وہ پیپلزپارٹی رہنما کی والدہ سے میک اپ اور ملبوسات کے بارے میں پوچھ رہی تھیں، شرمیلا فاروقی نے اداکارہ کے خلاف ایف آئی اے سائبر کرائم سیل میں شکایت درج کروائی ہے۔

Comments

یہ بھی پڑھیں