نجم الحسین کی جارحانہ نصف سنچری کی بدولت بنگلادیش نے عالمی چیمپئن انگلینڈ کو پہلے ٹی ٹوئنٹی میں اپ سیٹ شکست دے دی۔
چٹگانگ میں کھیلے گئے تین میچوں کی سیریز کے پہلے میچ میں نجم الحسین نے 30 گیندوں پر 51 رنز بناکر ٹیم کو فتح سے ہمکنار کیا۔
مہمان انگلینڈ نے پہلے بیٹنگ کرتے ہوئے کپتان بٹلر نے فل سالٹ کے ساتھ ابتدائی شراکت میں 80 رنز بنائے لیکن کپتان کو گنوانے کے بعد انگلینڈ کی ٹیم سنبھل نہ سکی اور صرف 156 رنز تک محدود رہی۔ انگلینڈ نے آخری پانچ اوورز میں صرف 21 رنز بنائے۔
ہدف کے تعاقب میں بنگلا دیش نے مثبت آغاز کیا جب رونی تالقدار (21) اور لٹن داس (12) نے اوپننگ اسٹینڈ میں 33 رنز بنائے۔ عادل رشید نے تالقدار کو بولڈ کر کے اوپننگ جوڑی کو توڑا تو جوفرا آرچر نے جلد ہی لٹن کو پویلین بھیج دیا۔
لیکن نجمل اور ڈیبیو کرنے والے توحید ہردوئے نے تیسری وکٹ کے لیے 65 رنز جوڑ کر بنگلادیش کی گرفت میچ پر مضبوط بنا دی۔ بنگلادیش نے مطلوبہ ہدف 18 اوورز میں صرف 4 وکٹوں کے نقصان پر پورا کر لیا۔
مہمان ٹیم کو تین میچوں کی سیریز میں ایک صفر کی برتری حاصل ہو گئی ہے۔ دو روز قبل بنگلادیش نے اسی میدان پر ون ڈے میں انگلینڈ کو شکست دی تھی۔