اسلام آباد: حکام وزارت خزانہ نے کہا ہے کہ قرض پروگرام کے حوالے سے قوم کو اسی ہفتے اچھی خبر ملے گی۔
تفصیلات کے مطابق پاکستان اور آئی ایم ایف کے درمیان ورچوئل مذاکرات میں آئی ایم ایف کو 30 جون تک دوست ممالک سے فنڈنگ کی تصدیق کروا دی۔
حکام وزارت خزانہ کا کہنا ہے کہ قرض پروگرام کے حوالے سے قوم کو اسی ہفتے اچھی خبر ملے گی، فنڈنگ کے شیڈول کی آئی ایم ایف تصدیق کر رہا ہے۔
حکام نے کہا کہ آئی ایم ایف کی پیشگی شرائط پر مکمل عمل درآمد ہو چکا ہے، مذاکرات کی کامیابی پر آئی ایم ایف مشن ایک ارب 10کروڑ ڈالر جاری کرنے کی سفارش کرے گا۔
اسٹاف لیول معاہدہ ہوتے ہی آئی ایم ایف کا ایگزیکٹیو بورڈ منظوری دے گا اور پاکستان کو ایک ارب دس کروڑ ڈالر مل جائیں گے۔
آئی ایم ایف کا ایگزیکٹو بورڈ سے منظوری پر پاکستان کو فوری رقم مل جائے گی۔
پی ڈی ایم حکومت قرضے کے لیے آئی ایم ایف کی تمام پیشگی شرائط پو ری کر چکی، ان میں بجلی گیس مزید مہنگی کرنے اور عام اشیا پر سیلز ٹیکس کی شرح اٹھارہ فیصد کرنے کی شرطیں شامل تھیں۔