اسلام آباد: این ڈی ایم اے نے گزشتہ روز ملک میں آنے والے زلزلے کی رپورٹ جاری کردی ہے۔
اے آر وائی نیوز کے مطابق این ڈی ایم اے کا رپورٹ میں کہنا ہے کہ پاکستان میں گزشتہ روز 6.8 شدت کا زلزلہ آیا جس کا مرکز افغانستان کا ہندوکش پہاڑی سلسلہ تھا۔
رپورٹ میں بتایا گیا ہے کہ زلزلے کے باعث اموات کی تعداد 9 ہوگئی ہے جاں بحق ہونے والں میں دو بچے، دو خواتین اور پانچ مرد شامل ہیں۔
این ڈی ایم اے کے مطابق خیبرپختونخوا کے مختلف مقامات پر 58 افراد زخمی ہوئے جبکہ پنجاب میں دو افراد زخمی ہوئے۔
زلزلے کے باعث خیبرپختونخوا میں 26، گلگت بلتستان میں دو گھروں کو جزوی نقصان پہنچا ہے۔
Comments
- Advertisement -