نیپال اور عمان کی کرکٹ ٹیم نے ٹی20 ورلڈکپ 2024 کے لیے کوالیفائی کرلیا ہے۔
نیپال اور عمان نے ایشیا ریجن کوالیفائرز میں اپنے اپنے سیمی فائنل میچز جیت کر 2024 مینز ٹی ٹوئنٹی ورلڈ کپ میں اپنی جگہیں بنا لی۔
ٹی20 ورلڈ کپ کوالیفائنگ راؤنڈ کے سیمی فائنل میں عمان نے بحرین کو 10 وکٹوں سے شکست دی، نیپال نے یو اے ای کو سنسنی خیز مقابلے میں 8 وکٹوں سے شکست دی۔
آئی سی سی ٹی 20 ورلڈ کپ آئندہ سال جون میں امریکا اور ویسٹ انڈیز میں شیڈول ہے، نیپال اور عمان کے کوالیفائی کرنے کے بعد 20 ٹیموں کو حتمی شکل دے دی گئی ہے۔
2024 ورلڈ کپ کا فارمیٹ گزشتہ دو ایڈیشنز سے مختلف ہوگا جس میں 20 ٹیموں کو پہلے راؤنڈ کے لیے پانچ پانچ کے چار گروپوں میں تقسیم کیا جائے گا۔
آئی سی سی کے مطابق ہر گروپ سے سرفہرست دو ٹیمیں سپر 8 کے لیے کوالیفائی کریں گی۔ سپر 8 ٹیموں کو چار چار کے دو گروپس میں تقسیم کیا جائے گا، ہر گروپ میں سرفہرست دو ٹیمیں سیمی فائنل میں پہنچیں گی۔
