90 کی دہائی کی مقبول بالی وڈ اداکارہ مادھوری ڈکشت سے متعلق توہین آمیز تبصرے پر ویڈیو اسٹریمنگ کمپنی نیٹ فلکس کو قانون نوٹس جاری کر دیا گیا۔
میڈیا رپورٹس کے مطابق بھارت کے سیاسی تجزیہ کار متھن وجے کمار نے نیٹ فلکس کو قانونی نوٹس ارسال کیا جس میں اداکارہ کے خلاف توہین آمیز تبصرے کی شدید مذمت کی گئی۔
متعلقہ: مادھوری ڈکشت کو کیریئر کے تلخ دنوں کی یاد آگئی
دراصل نیٹ فلکس کے مقبول شو ’بگ بینگ تھیوری‘ کے دوسرے سیزن میں ہالی وڈ اداکار کنال نائز نے راج کوتراپالی جبکہ جم پارسنز نے شیلڈن کوپر کا کردار نبھایا۔
شیلڈن کوپر نے سیزن ٹو کی ایک قسط میں بالی وڈ فنکارہ ایشوریا رائے کو ’غریبوں کی مادھوری ڈکشت‘ قرار دیا جس کے جواب میں راج کوتراپالی نے مادھوری ڈکشت سے متعلق نامناسب الفاظ کا استعمال کیا جو یہاں بیان نہیں کیے جا سکتے۔
اس پر متھن وجے کمار نے نیٹ فلکس کے خلاف قانونی چارہ جوئی کا فیصلہ کیا۔ اپنے ٹوئٹر ہینڈل پر انہوں نے کمپنی کو بھیجا گیا نوٹس شیئر کیا جس میں لکھا ہے کہ اداکارہ سے متعلق کردار کی طرف سے کیے گئے تبصرے ناگوار اور ہتک آمیز ہیں۔
سیاسی تجزیہ کار نے خبردار کیا کہ اگر فوری طور پر شو کو ہٹایا نہیں گیا تو کمپنی کے خلاف مزید کارروائی کریں گے۔
Recently, I came across an episode of the show Big Bang Theory on Netflix where Kunal Nayyar's character uses an offensive and derogatory term to refer to the legendary Bollywood actress @MadhuriDixit. As a fan of Madhuri Dixit since childhood, I was deeply disturbed by the… pic.twitter.com/pvRCKd5Ne4
— Mithun Vijay Kumar (@MVJonline) March 22, 2023
