اسلام آباد : نئی وفاقی کابینہ آج حلف اٹھائے گی، اسحاق ڈار وزیر خارجہ اور خواجہ آصف وزیر دفاع ہوں گے۔
تفصیلات کے مطابق نئی وفاقی کابینہ آج حلف اٹھائے گی، حلف برداری کی تقریب آج سہ پہرتین بجےایوان صدر میں ہوگی، جس میں صدر آصف زرداری نئے وزیروں سے حلف لیں گے۔
وزیراعظم شہبازشریف نے پارٹی قائد میاں نوازشریف سے مشاورت کے بعد کابینہ کے نام فائنل کئے تھے، ذرائع نے بتایا کہ اسحاق ڈار وزیرخارجہ اور خواجہ آصف وزیردفاع ہوں گے جبکہ احسن اقبال کو ایک بار پھر منصوبہ بندی و ترقیات کا قلمدان ملے گا۔
عطا تارڑ کو وزیر اطلاعات، مصدق ملک کو وزیر توانائی بنایا جائے گا جبکہ جلیل عباس جیلانی مشیر اور طارق فاطمی معاون خصوصی برائے خارجہ امور ہوں گے۔
اورنگزیب خان مشیرخزانہ اور شمشاداختر معاون خصوصی خزانہ ہوں گی جبکہ سابق نگراں وزیراعلیٰ پنجاب محسن نقوی کو مشیر داخلہ بنایا جائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں