بغداد: عراق میں ایک آنکھ والے بچے کی پیدائش نے ڈاکٹرز کو حیران کردیا، بچہ پیدائش کے کچھ دیر بعد ہی چل بسا۔
اردو نیوز کے مطابق عراق کے ایک اسپتال میں ایک آنکھ والے بچے کی پیدائش ہوئی ہے جس کی تصاویر سوشل میڈیا پر وائرل ہیں۔
محکمہ صحت کے عہدیدار کا کہنا ہے کہ عراق کی تاریخ میں پہلی مرتبہ ایک عرب خاندان میں ایک ایسے بچے نے جنم لیا ہے جس کی ایک آنکھ ہے، بچے کی ولادت جمعے کو ذی قار کمشنری کے الرفاعی اسپتال میں ہوئی ہے۔
محکمہ صحت کے عہدیدار کے مطابق ایسا بہت کم ہوتا ہے، ایک آنکھ والا بچہ پیدائش کے فوری بعد ہی چل بسا۔
سوشل میڈیا پر وائرل تصاویر میں دیکھا جا سکتا ہے کہ نومولود کی واحد آنکھ چہرے کے درمیان میں ہے۔
اسپتال کے ایک ڈاکٹر کا کہنا ہے کہ اس قسم کے بچے والدین کے خون میں ہم آہنگی نہ ہونے کی وجہ سے پیدا ہوتے ہیں، کبھی حمل کے دوران رحم مادر میں جرثومے کی موجودگی بھی اس کا باعث بنتی ہے۔
ایک اور ڈاکٹر کا کہنا ہے کہ بچے کے دماغ کی ٹشو میں کمی سے اس قسم کی صورتحال ہوتی ہے۔
