سڈنی: آئی سی سی مینز ٹی ٹوئنٹی کے سپر 12 کے میچ میں نیوزی لینڈ نے سری لنکا کو65 رنز سے شکست دے دی۔
تفصیلات کے مطابق سڈنی کرکٹ گراؤنڈ میں آج کھیلے گئے میچ میں کیوی کپتان کین ولیمسن نے ٹاس جیت کر پہلے بیٹنگ کا فیصلہ کیا، نیوزی لینڈ کی 168 رنز کے تعاقب میں سری لنکا کی ٹیم 102 رنز پر ڈھیر ہوگئی۔
نیوزی لینڈ کے ٹرینٹ بولڈ نے شاندار بولنگ کرتے ہوئے 4وکٹیں حاصل کیں، سینٹنر اور اش سوڈھی نے 2،2شکار کیے۔
Sri Lanka lose half the side with 24 runs on board 😱#T20WorldCup | #NZvSL | 📝: https://t.co/7YevVnQdfG pic.twitter.com/5zkHbRSB7J
— ICC (@ICC) October 29, 2022
سری لنکا کے کپتان ڈاسن شناکا 35،بھانو کاراجا پکسے 34 رنز بناسکے، سری لنکا کے 9 بلے باز ڈبل فیگرمیں بھی نہ جاسکے۔
اس کے علاوہ نیوزی لینڈ نے میگا ایونٹ میں دوسری کامیابی حاصل کی، نیوزی لینڈ 5پوائنٹس کیساتھ گروپ ون میں ٹاپ پر ہے۔
A magnificent 💯
For his knock in #NZvSL, Glenn Phillips is the @aramco POTM 👏#T20WorldCup pic.twitter.com/GWBOruzLCP
— ICC (@ICC) October 29, 2022
نیوزی لینڈ کا سری لنکا کے خلاف میچ کا آغاز مایوس کن رہا تھا، جہاں 3 کھلاڑی 15 رنز بنا کر آؤٹ ہوئے جس کے بعد ٹیم نے شاندار کم بیک کیا گلین فلپس اور ڈیرل مچل نے ٹیم کا اسکور آگے بڑھایا تھا۔
گلین اور مچل نے 84 رنز کی شراکت داری کی، مچل 22 رنز بنا کر آؤٹ ہوئے جبکہ گلین فلپس نے شاندار بلے بازی کا سلسلہ جاری رکھتے ہوئے 61 گیندوں پر سنچری مکمل کی اور وہ 104 رنز بنا کر آؤٹ ہوئے تھے۔
New Zealand post a competitive target after Glenn Phillips’ onslaught 💪#T20WorldCup | #NZvSL | 📝: https://t.co/7YevVnQdfG pic.twitter.com/8uENq0sZHQ
— ICC (@ICC) October 29, 2022
مقررہ 20 اوورز میں نیوزی لینڈ نے 7 وکٹوں کے نقصان پر 167 رنز بنائے اور سری لنکا کو جیت کے لیے 168 رنز کا ہدف دیا ہے۔
ٹی ٹوئنٹی ورلڈ کپ میں آج ایک ہی میچ کھیلا جائے گا، میدان سڈنی میں سجا ہے جہاں نیوزی لینڈ اور سری لنکا کی ٹیمیں آمنے سامنے موجود ہیں۔
نیوزی لینڈ نے اپنے پہلے میچ میں میزبان آسٹریلیا سے 89 رنز سے کامیابی حاصل کی تھی لیکن اس کا افغانستان کے خلاف میچ بارش کی نذر ہوا۔
Sydney hosts today's crucial Group 1 clash between New Zealand and Sri Lanka.
Who's taking home the two points? 🤔#T20WorldCup | #NZvSL pic.twitter.com/ri5OwF9nqM
— T20 World Cup (@T20WorldCup) October 29, 2022
اس کی حریف ٹیم سری لنکا نے اپنے پہلے میچ میں آئر لینڈ کو با آسانی 9 وکٹ سے شکست دی لیکن آسٹریلیا کے خلاف اسے خود شکست کا سامنا کرنا پڑا تھا۔
گزشتہ روز کے میچ میں مسلسل بارش کے باعث افغانستان اور آئر لینڈ جبکہ دوسری ٹیم انگلینڈ اور آسٹریلیا دونوں ٹیموں کو ایک ایک پوائنٹ دے کر میچ منسوخ کردیا گیا تھا۔
