موسم سرما شروع ہوچکا ہے اور ایسے میں جلد کو خشکی سے بچانے کے لیے اضافی توجہ کی ضرورت ہوتی ہے، جلد کو موائسچرائزڈ رکھنے کے لیے گھر میں نائٹ کریم بنانا بے حد آسان ہے۔
اس کا طریقہ درج ذیل ہے۔
آئلی اسکن کے لیے
ایک لیموں کا رس، ایک چمچ گلاب کا عرق، ایک چمچ گلیسرین اور ایک چمچ خشک دودھ کا پاؤڈر مکس کریں اور اس کو لوشن کی طرح بنا کر کسی بوتل میں رکھ لیں۔
اس کو روزانہ رات کو لگائیں اور صبح اٹھ کر پانی سے منہ دھو لیں۔
خشک جلد کے لیے
ایک لیموں کا رس، ایک چمچ گلاب کا عرق، ایک چمچ گلیسرین، ایک چمچ لیکوئیڈ دودھ اور آدھا چمچ انڈے کی سفیدی کو اچھی طرح مکس کریں اور جلد پر لگا کر سو جائیں۔
صبح نیم گرم پانی سے منہ دھو لیں۔
اس کو بنا کر کسی بوتل میں نہ رکھیں بلکہ روزانہ بنائیں اور روزانہ جلد پر لگائیں کیونکہ انڈے کی زردی ایک دن بعد اثر نہیں دکھا سکے گی۔
یہ نائٹ کریم آپ کی جلد کو موائسچرائز رکھے گی، آئلی جلد کا اضافی آئل کنٹرول کرنے اور خشک جلد کو ڈی ہائیڈریٹ کرنے میں مدد دے گی۔
اس میں شامل لیموں، گلیسرین اور دودھ آپ کی اسکن ٹون کو بھی بہتر کریں گے جبکہ جلد سے ایکنی کا خاتمہ بھی کریں گے۔