ریاض : سعودی ولی عہد محمد بن سلمان نے وژن 2030 کو ناکام کرنے کی کوشش کرنے والوں کو واضح پیغام دے دیا۔
امریکی میگزین کو انٹرویو دیتے ہوئے سعودی عرب ولی عہد شہزادہ محمد بن سلمان نے وژن 2030 کی کامیابی کی یقین دہانی کراتے ہوئے کہا کہ دنیا کی کوئی طاقت وژن 2030 کو ناکام نہیں کرسکتی۔
ان کا کہنا تھا کہ وژن کو ناکام کرنے والوں کی کوششوں سے پروگرام کی رفتار زیادہ سے زیادہ 5 فیصد تک سست ہوسکتی ہے، اس سے زیادہ کچھ نہیں۔
محمد بن سلمان کا کہنا تھا کہ سعودی عرب، امریکا یا دبئی کے منصوبوں کی نقل نہیں کرنا چاہتا، ہماری اپنی پہچان اور شناخت ہے اور ہم اپنی معاشی اور ثقافتی بنیادوں پر ترقی کرنا چاہتے ہیں۔
العلا اور جدہ کے منصوبوں میں حجاز کا رنگ غالب ہے اور یہی حال نیوم منصوبے کا ہے جو اپنی نوعیت کا بہت منفرد منصوبہ ہے اور اس کی نظیر دنیا میں کہیں نہیں ہے۔
ولی عہد نے کہا ہے کہ سعودی عرب میں کوئی ایک بھی منصوبہ ایسا نہیں جیسے منسوخ کیا ہو۔
