اوہائیو: امریکی ریاست اوہائیو میں ٹرین حادثے نے فلم کی ہولناکیاں حقیقتی زندگی میں دکھا دی ہیں۔
تفصیلات کے مطابق دس دن قبل امریکی ریاست اوہائیو میں زہریلے مواد لے جانے والی مال بردار ٹرین پٹری سے اتر گئی تھی، اس واقعے میں کسی قسم کا جانی نقصان نہیں ہوا تھا لیکن اس نے علاقے میں لوگوں کی رہائش کو خطرے سے دوچار کر دیا ہے۔
ٹرین کی بوگیوں میں ونائل کلورائڈ، بیوٹائل ایکرائلیٹ، ایتھائل ہیکسائل ایکرائلیٹ اور ایتھیلین گلائکول مونو بوٹیل ایتھر جیسا زہریلا مواد موجود تھا۔
زہریلے کیمیکل کے اخراج کی وجہ سے رہائشیوں کو محفوظ مقامات پر منتقل کیا جا چکا ہے۔
دل چسپ بات یہ ہے کہ پچھلے ہی برس 2022 میں اسی علاقے میں فلم ’وائٹ نوائز‘ کی عکس بندی میں سب کچھ ایسا دکھایا گیا تھا، فلم میں 50 ٹرین بوگیاں پٹری سے اتر گئی تھیں، جن میں سے 20 بوگیوں میں خطرناک مادہ تھا۔
اوہائیو واقعے میں بیس بوگیاں پٹری سے اتر گئی تھیں اور ان میں ہول ناک طور سے آگ لگ گئی تھی، جس کی دل دہلا دینے والی ویڈیوز سوشل میڈیا پر سامنے آ چکی ہیں۔
A train carrying toxic chemicals derailed and ignited a fire in East Palestine, Ohio, on Feb. 3, setting off evacuation orders and a federal investigation. Now there are worries about the environment and transportation network.
Here’s what we know. https://t.co/NAHYNj40qH pic.twitter.com/40JLQCXNPd
— The New York Times (@nytimes) February 13, 2023
حیرت انگیز بات یہ ہے کہ اوہائیو کے رہائشی 37 سالہ بین رتنر نے فلم وائٹ نوائز میں ایکسٹرا کے طور پر کام کیا تھا، اور اب حقیقی حادثہ بھی ان کے گھر کے قریب پیش آیا ہے۔
فلم کا منظر
سڑک پر ٹریفک جام کا منظر ہے، کاروں کی لمبی قطار ہے اور بین رتنر ایک کار میں بیٹھا ہے، ایسے میں مال بردار ٹرین ایک ٹینکر ٹرک سے ٹکرا جاتی ہے، گاڑیاں وہاں سے نکلنے کی کوشش کر رہی ہیں، کہ ایک دھماکا ہوتا ہے اور ماحول خطرناک زہروں سے بھر جاتا ہے۔ اس کے بعد فلم میں شہر کے لوگوں کو باہر نکالا جاتا ہے۔
What is even more crazy is that there was a movie just out called “White noise“ filmed in northern Ohio and some of the extras who were in it pretending to evacuate in the film now just had to evacuate in real life. Same identical scenario. Watch this pic.twitter.com/qy8jjVKxeP
— Erin Elizabeth Health Nut News 🙌 (@unhealthytruth) February 13, 2023
2022 کی یہ فلم اوہائیو کے آس پاس شوٹ کی گئی تھی اور یہ ڈان ڈیلیلو کے ناول پر مبنی ہے، یہ کتاب 1985 میں بھارت کے شہر بھوپال میں ہونے والی کیمیائی تباہی کے فوراً بعد شائع ہوئی تھی جس میں تقریباً 4000 افراد ہلاک ہوئے تھے۔
رتنر اور اس کا خاندان، بیوی لِنڈسے، ان کے بچے سیمون، لزی، للی اور بروڈی اب حقیقت میں وہ افسانہ جی رہے ہیں، جسے انھوں نے اسکرین پر لانے میں مدد کی تھی۔