راجکوٹ: انگلینڈ کے خلاف تیسرے ٹیسٹ میں ڈیبیو کرنے والے مڈل آرڈر بیٹر سرفراز خان کے رن آؤٹ ہونے پر روہت شرما غصے میں آگئے۔
انگلینڈ اور بھارت کے درمیان جاری تیسرے ٹیسٹ میچ کے پہلے روز کھیل کے اختتام پر بھارت نے 5 وکٹوں کے نقصان پر 326 رنز بنالیے ہیں، رویندرا جڈیجا 110 اور کلدیپ یادیو ایک رن بنا کر کریز پر موجود ہیں۔
کپتان روہت شرما نے شاندار 131 رنز کی اننگز کھیلی، شبھمن گل بغیر کوئی رن بنائے پویلین لوٹ گئے، یشسوی جیسوال 10 اور رجت پتیدار 5 رنز بناسکے۔
ٹیسٹ میں ڈیبیو کرنے والے مڈل آرڈر بیٹر سرفراز خان کو 62 رنز پر مارک ووڈ نے رن آؤٹ کیا۔
انگلینڈ کی جانب سے فاسٹ بولر مارک ووڈ نے تین کھلاڑیوں کو پویلین کی راہ دکھائی، ٹام ہارٹلے ایک وکٹ حاصل کرسکے۔
تاہم جب جڈیجا اور سرفراز بیٹنگ کررہے تھے جڈیجا نے رن لینے کے لیے کال کی اور انہیں بعد میں احساس ہوا کہ یہ مشکل رن ہے بعد میں انہوں نے ’نہیں‘ کہا لیکن جب تک بہت دیر ہوگئی تھی۔
سرفراز خان کریز پر پہنچنے کے لیے واپس پلٹے لیکن مارک ووڈ نے انہیں رن آؤٹ کردیا۔
سرفراز خان کے یوں رن آؤٹ ہونے پر پویلین میں موجود کپتان روہت شرما غصے میں آگئے اور انہوں نے اپنی کیپ اتار کر زمین پر پھینک دی۔
Honest reaction on Safaraz missing on his 100 on debutpic.twitter.com/WuEHEymmd8
— Shivani (@meme_ki_diwani) February 15, 2024
