لاہور: کچے میں آپریشن سے قبل سی ٹی ڈی کی رپورٹ میں سنسنی خیز انکشافات سامنے آئے ہیں۔
تفصیلات کے مطابق نگراں وزیراعلیٰ پنجاب محسن نقوی کی زیر صدارت کچے میں آپریشن سے متعلق اہم اجلاس ہوا جس میں دہشت گردوں کے خلاف آپریشن کا جائزہ لیا گیا۔
اجلاس میں سی ٹی ڈی نے نگراں وزیراعلیٰ پنجاب کو اپنی رپورٹ پیش کی جس میں انکشاف ہوا کہ کچے میں دہشت گرد تنظیموں کی موجودگی پائی گئی ہے ان دہشت گرد تنظیموں کے ملک دشمن عناصر اور بیرون ملک رابطوں کے ثبوت ہیں۔
اجلاس میں فیصلہ کیا گیا کہ پنجاب پولیس کی11ہزارسےزائد نفری آپریشن میں حصہ لےگی، آپریشن کا مقصد دہشت گردوں کےٹھکانےختم کرکےمستقل انفرااسٹرکچرقائم کرنا ہے۔
یہ بھی پڑھیں: کچے کے ڈاکوؤں کے خلاف پولیس کا گرینڈ آپریشن شروع
نگراں وزیراعلیٰ پنجاب کی زیر صدارت ہونے والے اس اہم اجلاس میں فیصلہ کیا گیا کہ ہرصورت ریاست کی رٹ کو قائم کیاجائےگا،کچے میں حکومتی رٹ چیلنج کرنےوالےدہشت گردوں کوجگہ نہیں ملےگی۔
یاد رہے کہ دو روز قبل آئی جی پنجاب ڈاکٹر عثمان انور نے فوری طور پر ‘کچے میں آپریشن’ شروع کرنے کا اعلان کیا تھا۔
میڈیا سے گفتگو کرتے ہوئے آئی جی پنجاب نے کہاتھا کہ کچے کےعلاقےمیں پولیس چوکیاں بحال کرناپہلی ترجیح ہے،جو پہلی گاڑی کچےمیں آپریشن کیلئےجائےگی وہ اعلیٰ افسران کی ہوگی۔
