کراچی: شہر قائد کے علاقے اورنگی ٹاؤن اقبال مارکیٹ میں سیاسی جماعت کے عہدیدار کے قتل کا مقدمہ درج کرلیا گیا۔
تفصیلات کے مطابق کراچی کے علاقے اورنگی ٹاؤن اقبال مارکیٹ میں سیاسی جماعت کے عہدیدار کے قتل کا مقدمہ اقبال مارکیٹ تھانے میں مقتول کے بھائی کی مدعیت میں درج کیاگیا۔
مقدمے کے متن کے مطابق مقتول امجد حسین پر فائرنگ کی اطلاع ساڑھے 10 بجے ملی، فائرنگ کا واقعہ یوسی 7 کے دفتر کے باہر پیش آیا تھا۔
کراچی میں فائرنگ سے پیپلزپارٹی کا عہدیدار جاں بحق، مقتول کو 10 گولیاں ماری گئیں
دوسری جانب پولیس نے واقعہ کی ابتدائی رپورٹ بھی تیار کرلی، پولیس کا کہنا ہے کہ واقعہ ٹارگٹ کلنگ کا شاخسانہ معلوم ہوتا ہے، ملزمان نے مقتول کو 10 گولیاں ماریں۔
پولیس کی رپورٹ کے مطابق جائے وقوعہ سے نائن ایم ایم اور 30 بور پستول کے خول ملے تھے، ملزمان فائرنگ کر کے گئے اور واپس آکر دوبارہ مقتول کو گولیاں ماریں۔
