بھارت میں کرکٹ ورلڈکپ کاانعقاد انتظامیہ کیلئے چیلنج بن گیا، کلکتہ پولیس نے پاکستان انگلینڈ میچ ری شیڈول کرنے کی درخواست کردی۔
بھارتی میڈیا کے مطابق ورلڈکپ میں پاکستان کا انگلینڈ میچ 12 نومبر کو کلکتہ میں شیڈول ہے، پولیس 12 نومبر کو میچ کیلئے مکمل سیکیورٹی دینے سے قاصر ہے۔
کلکتہ پولیس کا کہنا ہے کہ 12نومبر کو کالی پوجا کی وجہ سے سیکیورٹی دینے میں مسئلہ ہوگا، کلکتہ پولیس نے میچ ری شیڈول کرنے کیلئے ایسوسی ایشن آف بنگال سے رابطہ کرلیا ہے۔
بھارتی صحافی کہنا تھا کہ کرکٹ ایسوسی ایشن آف بنگال نے میچ ایک روز قبل 11 اکتوبر کو کرانے کی سفارش کی ہے، بی سی سی آئی انٹر نیشنل کرکٹ کونسل سے مشاورت کے بعد فیصلہ کریگا۔
دوسری جانب اگر کرکٹ ایسوسی ایشن آف بنگال کی بات کو تسلیم کرلیا گیا تو میچ ایک روز پہلے کرادیا جائے گا، 11 نومبر کو ورلڈکپ میں ڈبل ہیڈر کھیلا جائے گا اور آئی سی سی ورلڈ کپ کا تبدیل شدہ شیڈول منگل تک جاری کرے گا۔
