ظفروال : وفاقی وزیراحسن اقبال کا کہنا ہے کہ ہماری ملکی معیشت ادھارپرچل رہی ہے، ہمیں قرضوں کی ادائیگی کیلئےآئی ایم ایف سے مزید قرضے لینے پڑ رہے ہیں۔
تفصیلات کے مطابق وفاقی وزیر احسن اقبال نے جموں ہاؤس درمان میں میڈیا سے گفتگو کرتے ہوئے کہا کہ ہماری ملکی معیشت ادھارپرچل رہی ہے، بانی پی ٹی آئی دورمیں ملک قرضوں میں ڈوبا، ہمیں قرضوں کی ادائیگی کیلئےآئی ایم ایف سے مزید قرضے لینے پڑ رہے ہیں۔
احسن اقبال کا کہنا تھا کہ حکومت کوسالانہ 7ہزارارب کاریونیوملتاہےجبکہ 5ہزارارب قرض کی ادائیگی کرنی ہے، پی ٹی آئی حکومت نے 4سال میں 80فیصد قرض لیا،ادائیگی آئندہ حکومتوں نےکرنی ہے۔
وفاقی وزیر نے کہا کہ ہمیں،زرعی،صنعتی پیداوارکوبڑھانااوردرآمدات کرناپڑیں گی، پوری قوم کو مل کر محنت کرنا ہوگی، ملک میں قرض کی بڑی وجہ کرپشن ہے جسےکنٹرول کریں گے اور ملکی وسائل کوترقی کے لیےاستعمال کریں گے۔
ان کا مزید کہنا تھا کہ آج ہمیں مس انفارمیشن کے چیلنجز کا سامناہے، ورلڈ اکنامک فورم نے بھی دنیا میں مس انفارمیشن کوبڑا چیلنج قرار دیا ہے، معاشرے میں پولرائزیشن کرنا بڑا ہتھیار بن چکا ہے، ہمیں ملکر قابو پانا ہوگا۔
