برسوں سے قومی ٹیم سے باہر کھلاڑی نجم سیٹھی کے پی سی بی کا چارج سنبھالتے ہیں ان کے گن گانے لگے اور عہدے کے لیے بہترین شخصیت قرار دے دیا۔
سابق چیئرمین پاکستان کرکٹ بورڈ نجم سیٹھی کے پی سی بی کا دوبارہ چارج سنبھالنے کے بعد برسوں سے قومی ٹیم سے باہر کھلاڑی بھی چارج ہوگئے اور انہوں نے نجم سیٹھی کے آتے ہی ان کے گُن گانا شروع کردیے۔ کسی نے ویلکم مسٹر رائٹ کہا تو کسی نے صحیح کام کے لیے صحیح آدمی قرار دیا۔
کیریئر کے آغاز میں اپنی تیز رفتار بولنگ سے دنیا میں اپنی دھاک بٹھانے والے فاسٹ بولر محمد عامر جنہوں نے کئی سالوں سے ٹیم سے باہر ہونے کے بعد ٹیم منیجمنٹ کے رویے سے مایوس ہوکر 2020 میں ریٹائرمنٹ کا اعلان کردیا تھا۔ انہوں نے نجم سیٹھی کے پی سی بی منیجمنٹ کمیٹی کے چیئرمین کا عہدہ سنبھالنے پر مبارکباد پیش کی ہے۔
محمد عامر نے سماجی رابطوں کی ویب سائٹ ٹوئٹر پر اپنے ٹوئٹ میں لکھا کہ ’صحیح کام کے لیے صحیح آدمی‘۔ نجم سیٹھی کو بہت مبارک ہو۔
right man for the right job congratulations to @najamsethi sir .
— Mohammad Amir (@iamamirofficial) December 22, 2022
مڈل آرڈر بیٹسمین عمر اکمل جو کھیل سے زیادہ میدان سے باہر توجہ دینے اور متنازع بیانات کے بعد ٹیم سے کئی سالوں سے باہر ہیں انہوں نے بھی نجم سیٹھی کو مبارکباد دی ہے اور لکھا ہے کہ ’ویلکم بیک مسٹر رائٹ‘۔
جارح مزاج اوپنر احمد شہزاد نے نجم سیٹھی کے پی سی بی کا دوبارہ چارج سنبھالنے پر انہیں مبارکباد پیش کی ہے۔
احمد شہزاد نے اپنے ٹوئٹ میں لکھا کہ میں ایک مرتبہ پھر پُرامید ہوں اس شخص کیلئے جس نے بین الاقوامی کرکٹ کو پاکستان واپس لانے میں اہم کردار ادا کیا اور جس نے پی ایس ایل کا آغاز کیا اور وہ جو ہمیشہ کھلاڑیوں کے جذبات میں دلچسپی رکھتا ہے۔
As a player & a patriot,I always pray 4 what’s best 4 🇵🇰 Cricket.I am hopeful once agn,tht da man who ws instrumental in bringing international cricket back 2 🇵🇰 who launched da PSL & who always has da interest of players close 2 his ❤️,Mr.Sethi,is back.Congrats @najamsethi Sb.
— Ahmad Shahzad 🇵🇰 (@iamAhmadshahzad) December 22, 2022
