لندن : برطانیہ کی آکسفورڈ کونسل نے برما میں روہنگیا مسلمانوں کی نشل کشی اور قتل عام کرنے پر آنگ سان سوچی سے فریڈم آف سٹی اعزاز واپس لے لیا، یہ فیصلہ کونسل کے اجلاس میں کیا گیا۔
تفصیلات کے مطابق ہزاراوں روہنگیا مسلمانوں پر وحشیانہ مظالم کی ذمہ دار آنگ سان سوچی سے آکسفورڈ سٹی کونسل نے فریڈم آف سٹی اعزاز واپس لینے کا اصولی فیصلہ کرلیا۔
مذکورہ اعزاز آکسفورڈ کونسل کی جانب سے انیس سو ستانوے میں آزادی کی مہم چلانے پر سوچی کو دیا گیا تھا، اس کے علاوہ اب آکسفورڈ کونسل کی عمارت سے ان کی تصویر بھی ہٹا دی گئی ہے۔
علاوہ ازیں آکسفورڈ کونسل کے اجلاس میں بے گناہ مسلمانوں پر میانمار فوج کے مطالم کی شدید الفاظ میں مذمت بھی کی گئی۔
مزید پڑھیں: آکسفورڈکالج نے آنگ سان سوچی کی تصویرہٹادی
اس سے قبل برطانیہ کی یونین ‘یونیسن’ نے بھی آنگ سان سوچی کو دی گئی اعزازی ممبر شپ واپس لینے کا اعلان کیا تھا جبکہ دیگر اداروں نے بھی سوچی کو دیئے گئے اعزازات واپس لینے پر غور شروع کردیا ہے، قبل ازیں آکسفورڈ کونسل میں آنگ سان سوچی کے خلاف مذمتی قرارداد بھی منظور کی گئی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
