پاکستان آرمی نے حیدرآباد اور بدین میں مفت میڈیکل کیمپ لگایا، عوام نے مفت میڈیکل کیمپ کی سہولت پر پاک فوج کا شکریہ ادا کیا۔
تفصیلات کے مطابق سندھ کے عوام کیلئے فلاحی خدمات میں پاک فوج پیش پیش ہے، لاڑکانہ، شکارپور اور قنبرشہداد کوٹ کی جامعات کے پانچ سو طلبا و اسٹاف نے پنوں عاقل گریژن کادورہ کیا۔
شرکاء نے دفاعی نمائش دیکھی، یادگار شہداء پر حاضری دی، اے پی سی اور اے ٹی وی کی سواری کی ، طلبا نے اس خصوصی دورے پر پاک فوج کاشکریہ اداکیا۔
پاکستان آرمی کے توسط سے بدین میں فری میڈیکل کیمپ کا انعقاد کیا گیا ، میڈیکل کیمپ دل کے امراض میں مبتلا مرد، خواتین اور بچوں کے لیے لگایا گیا، جس میں 5 لاکھ کے خرچے والے مرض کا علاج آرمی میڈیکل کی جانب سے مفت ہوا۔
پاکستان آرمی کی جانب سے حیدرآباد کے دیہی علاقے میر اللہ بخش تالپور میں مفت میڈیکل کیمپ کا انعقاد کیا گیا، مفت میڈیکل کیمپ کا انعقاد ڈی ایچ او اور پی پی ایچ آئی کے تعاون سے ممکن ہوا۔
میڈیکل کیمپ میں 325 مرد، 731 خواتین، 569 بچوں سمیت 1625 مریضوں کا مفت معائنہ اور علاج کیا گیا، 205 افراد کے ہیپاٹائٹس بی اور 225 افراد کے ہیپاٹائٹس اور ایچ آئی وی ٹیسٹ کیے گئے۔
میڈیکل کیمپ میں 157 افراد کا معائنہ ہوا اور 15 افراد کی سرجری کرنے کا فیصلہ کیا گیا، شرکاء کا کہنا تھا کہ ہم چاہتے ہیں کہ آئندہ بھی ایسی کیمپوں کا انعقاد کیا جائے، ہم بہت شکر گزار ہیں پاک آرمی 18 ڈیویجن کا اس کیمپ کا اہتمام کیا جس سے بہت سے مقامی لوگوں کو فائدہ پہنچا ہے۔
دیہی علاقے کے عوام نے پاک فوج کی جانب سے مفت میڈیکل کیمپ کی سہولت پر پاک فوج کا شکریہ ادا کیا اور کہا آئندہ بھی ایسی کیمپوں کا انعقاد کیا جائے۔
