ڈائریکٹر جنرل پاکستان کوسٹ گارڈزبریگیڈیئر غلام عباس کی ہدایت پرپاکستان کوسٹ گارڈزنے یوم آزادی روایتی جوش وجذبے سے منانے کااہتمام کیا۔
تفصیلات کے مطابق پاکستان کوسٹ گارڈز ہیڈ کواٹرز میں یوم آزادی کی مرکزی تقریب گارڈز پبلک اسکولز اور کالجز کے زیراہتمام منعقد کی گئی۔
طلباء نے تقریر ی اورکھیلوں کے مقابلوں میں بڑھ چڑھ کر حصہ لیا اور اور یوم آزادی کے موضوع پر ٹیبلوز پیش کیے، تقریب کے مہمان خصوصی ڈائریکٹر جنرل پاکستان کوسٹ گارڈز بریگیڈیئر غلام عباس تھے۔
پاکستان کوسٹ گارڈز کی جانب سے بچوں میں یوم آزاد ی کے حوالے سے خصوصی تحائف بھی تقسیم کیے گئے۔ تمام اساتذہ اور والد ین نے پاکستان کوسٹ گارڈز کی اس کاوش اور جذبے کو سراہتے ہوئے شکریہ ادا کیا۔
ترجمان پاکستان کوسٹ گارڈز کا کہنا ہے کہ پاکستان کوسٹ گارڈز مستقبل میں بھی فلاحی و قومی سرگرمیوں کو جاری رکھے گی تاکہ لوگوں میں یوم آزادی اور دوسرے قومی دنوں کے حوالے سے شعور بیدار ہواور وہ وطن عزیز کی تعمیر و ترقی میں بڑھ چڑھ کر حصہ لے سکیں۔
