نیویارک : پاکستان نے سلامتی کونسل کے ہنگامی اجلاس میں غزہ پراسرائیلی حملے کی مذمت کرتے ہوئے غزہ میں فوری اور غیرمشروط جنگ بندی کا مطالبہ کردیا۔
تفصیلات کے مطابق پاکستانی مستقل مندوب منیراکرم نے اقوام متحدہ کے سلامتی کونسل کے ہنگامی اجلاس سے خطاب میں غزہ پر اسرئیلی حملے کی مذمت کرتے ہوئے فلسطینی عوام سے یکجہتی کا اظہار کیا۔
منیر اکرم کا کہنا تھا کہ پاکستان غزہ میں فوری اورغیرمشروط جنگ بندی کا مطالبہ کرتاہے، اسرائیلی فوج نےغزہ میں اسکول، اسپتال اور رہائشی علاقے کو نشانہ بنایا، غزہ پرحملہ عالمی قوانین کی خلاف ورزی اورجنگی جرائم میں شامل ہے۔
پاکستانی مستقل مندوب نےمطالبہ کیا کہ حملہ آوروں کو عالمی قوانین کے تحت کٹہرے میں لایا جائے، غیرقانونی قبضے کیخلاف آزادی کی جدوجہد کو دہشتگردی کانام نہیں دیا جا سکتا۔
فلسطین اور کشمیر میں قابض افواج نےعوام کو آزادی کےحق سے محروم کررکھاہے۔سلامتی کونسل سےاہم خطاب، پاکستان مشن یواین کی مبینہ نااہلی، ملکی میڈیاکوآگاہ تک نہیں کیا
