پاکستان کی جانب سے مقبوضہ جموں کشمیر میں تین کشمیریوں کے دوران حراست قتل کی مذمت کی گئی ہے۔
تفصیلات کے مطابق پاکستان دفترخارجہ کے ترجمان کا کہنا تھا کہ مقتول شہریوں کو بھارتی قابض فوج کے ایک کیمپ میں تشدد کرکے مارا گیا۔ 3 کشمیریوں کا دوران حراست قتل قابل مذمت ہے۔
دفترخارجہ کے ترجمان نے کہا کہ بھارتی اہلکاروں کی تینوں افراد پر تشدد کرنے اور مرچ پاؤڈر چھڑکنے کی مبینہ ویڈیو وائرل ہے۔
- Advertisement -
واقعے نے پھر بھارت کی بے لگام ریاستی دہشت گردی کو بے نقاب کردیا ہے۔ دوران حراست ہلاکتوں کے ذمہ داروں کا احتساب ہونا چاہیے۔
ترجمان دفترخارجہ نے کہا کہ بھارت کا مقبوضہ جموں و کشمیر میں غیر قانونی قبضہ تمام بڑےمسائل کی جڑ ہے۔
اس حوالے سے ترجمان کا مزید کہنا تھا کہ کشمیریوں کو ان کے ناقابل تنسیخ حق خودارادیت کا حق دیا جاناچاہیے۔
