اسلام آباد : خراب موسمی حالات کے باعث آج ہونے والی یومِ پاکستان کی پریڈ منسوخ کردی گئی ، 23 مارچ کو بھی پریڈ موسم کی خرابی کے باعث موخر کی گئی تھی۔
تفصیلات کے مطابق یوم پاکستان کی آج ہونے والی پریڈ منسوخ کردی گئی، پریڈ تئیس مارچ کو موسم کی خرابی کے باعث موخر کی گئی اور آج پچیس مارچ کو بھی پریڈ موسمی حالات کے باعث ایوان صدر میں نہیں ہوسکے گی۔
خیال رہے ملک بھر میں یومِ پاکستان تئیس مارچ کو مِلّی جوش و جذبے کے ساتھ منایا جا چکا ہے۔
مزید پڑھیں : ایوان صدر میں ہونے والی یوم پاکستان کی فوجی پریڈ ملتوی کردی گئی
کفایت شعاری پالیسی کے تحت محدود پیمانے پر ایوان صدر میں پریڈ ہونا تھی، جو اب خراب موسم کے باعث منسوخ کردی گئی ہے۔
ترجمان کا کہنا تھا کہ پاک فوج ملک کے مشکل وقت میں پوری قوم کے ساتھ کھڑی ہے، ملک کی ترقی میں پاک فوج اپنا کردار ادا کرتی رہے گی۔
Comments
- Advertisement -
