اسلام آباد : پاکستان نے بھارت سے سزا پوری کرنے والے پاکستانیوں کی رہائی کا مطالبہ کردیا اور کہا بڑی تعداد میں پاکستانی قیدی بھارت میں مدت پوری کرچکے ہیں۔
تفصیلات کے مطابق ترجمان دفتر خارجہ ممتاز زہرا بلوچ نے ہفتہ وار پریس بریفنگ دیتے ہوئے کہا کہ پاکستان اور بھارت سال میں دو بار قیدیوں کی فہرست کا تبادلہ کرتا ہے۔
ترجمان کا کہنا تھا کہ یکم جولائی کو دونوں ممالک نے فہرست کا تبادلہ کیا اور بھارت سے قید پوری کرنیوالے پاکستانی قیدیوں کی رہائی کا مطالبہ کیا ہے۔
ممتاز زہرا بلوچ نے بتایا کہ بڑی تعداد میں پاکستانی قیدی بھارت میں مدت پوری کرچکے ہیں، پاکستانی جوڈیشل کمیشن کے دورے بارے ابھی تک تاریخ کا تعین نہیں کیا۔
Comments
- Advertisement -
