شارجہ ٹیسٹ میں دو سو چوراسی رنز کے تعاقب میں انگلش ٹیم مشکلات کاشکار ہے، انگلینڈ نے چوتھے روز کھیل کے اختتام تک دو وکٹ پر چھیالیس رنز بنالئے،انگلینڈ کوسیریز بچانے کیلئے دو سو اڑتالیس رنز مزید درکار ہیں۔
تیسرا اور آخری ٹیسٹ پاکستان کےدو سو چوراسی رنز کے تعاقب میں انگلش ٹیم مشکلات سے دوچار ہیں، چوتھے روز پاکستان نے دوسری نامکمل اننگزتین کھلاڑی آؤٹ ایک سو چھیالیس رنز پرشروع کی تودوسرے ہی اوور میں نائٹ واچ مین راحت علی نے ہتھیارڈال دئیے۔
پروفیسراورمصباح نےترانوے رنز جوڑکربرتری کو بڑھایا، مصباح کے آؤٹ ہوتے ہی حفیظ بھی آوٹ ہوگئے، اسد شفیق اورسرفراز نے برتری کو دو سو کے پارلگا، سرفرازاحمدچھتیس رنز کی جارحانہ اننگز کھیل کرآؤٹ ہوگئے۔
اسدشفیق بھی چاررنز کی کمی سےہاف سنچری مکمل نہ کرسکے، قومی ٹیم دوسری اننگز میں تین سو پچپن رنز بناکرآؤٹ ہوگئی۔
ہدف کے تعاقب میں شعیب ملک کی جادوگری نے پہلے معین علی اور پھر ای این بیل کوشکار بنایا، آخری روزپاکستان کومیچ اورسیریز جیتنے کے آٹھ وکٹیں درکارہے۔
