سابق چیف سلیکٹر پاکستان کرکٹ بورڈ محمد وسیم نے بتا دیا کہ پاکستان ٹیم نے ایسی کیا غلطی کی جہاں سے گرین شرٹس کی شکست کی شروعات ہوئی۔
پاکستان کے سابق ٹیسٹ کرکٹر نے سوشل میڈیا پلیٹ فارم پر اپنے خیالات کا اظہار کرتے ہوئے کہا کہ بھارت کے خلاف پاکستان کے ہارنے کی شروعات کب ہوئی اس سلسلے میں ان کی سوچ مختلف ہے۔
سابقہ ٹوئٹر اور موجودہ ’ایکس‘ پر انھوں نے لکھا کہ بہت سے لوگوں کا خیال ہے کہ پہلے بیٹنگ کرتے ہوئے شروع کے 20 اوورز کے دوران پاکستان کا میچ پر کنٹرول تھا۔‘
انھوں نے مزید لکھا کہ ’میرے خیال میں پاکستان بیٹنگ کے دوران شروع کے 30 اوورز میں ہی میچ ہار گیا تھا جب پچ بیٹنگ کے لیے نہایت سازگار تھی اس کے بعد میچ پاکستان کے ہاتھ سے نکل گیا۔‘
Many might think Pakistan was in control after first 20 overs or so of Batting , I guess Pakistan lost the match in first 30 overs of batting when it was a perfect period for batting and take the game away . #Intent #dotballs
— Muhammad Wasim (@MuhammadWasim77) October 14, 2023
محمد وسیم نے اس بات پر زور دیا کہ جب شروع کے 30 اوورز میں پچ بیٹنگ کے لیے سازگار تھی تو اسی دوران پاکستان کو اچھی بیٹنگ کرکے بڑا اسکور بنانا چاہیے تھا، مگر ایسا نہیں ہوا اور بعد میں پچ کا رویہ تبدیل ہوگیا۔
واضح رہے کہ بھارت کے ہاتھوں گرین شرٹس کو اپنے تیسرے میچ میں 7 وکٹوں کی بدترین شکست کا سامانا کرنا پڑا تھا جس کی وجہ سے ٹیم کے رن ریٹ پر بھی فرق پڑا ہے۔
