پاکستان اسٹاک ایکسچینج میں آج تیزی کا رجحان رہا

کراچی : پاکستان اسٹاک ایکسچینج میں کاروباری ہفتے کا اختتام مثبت رہا، کاروباری ہفتے کے آخری روز انڈیکس میں تیزی کا رجحان نظر آیا۔

کاروبار میں تیزی کے باعث 100انڈیکس 41ہزار کی حد عبور کرگیا، مارکیٹ666پوائنٹس کے اضافے سے41 ہزار337پر بند ہوئی۔

دن بھرمجموعی طورپر352 کمپنیوں کے شیئرز میں کاروبار ہوا، 221کمپنیوں کے شیئرز کی قیمتوں میں اضافہ جبکہ103کے شیئرز میں کمی واقع ہوئی۔

حصص بازار میں آج 19 کروڑ 48 لاکھ شیئرز کے سودے ہوئے جن کی مالیت 7 ارب 76 کروڑ روپے رہی۔ آج مارکیٹ کی بلند ترین سطح 41,359 جبکہ کم ترین سطح 40,487 رہی۔ اس کے علاوہ مارکیٹ کیپٹلائزیشن 79 ارب روپے بڑھ کر 6356 ارب روپے ہے۔

Comments