کراچی: پاکستان اسٹاک ایکسچینج میں گزشتہ ہفتے مثبت کاروباری رجحان رہا، 100 انڈیکس میں 111 پوائنٹس کا اضافہ ہوا۔
تفصیلات کے مطابق پاکستان اسٹاک مارکیٹ میں 15 سے 19 مئی 2023 کے دوران 100 انڈیکس میں 111 پوائنٹس کا اضافہ ہوا، ہفتے کے آخری روز 100 انڈیکس 41 ہزار 599 پوائنٹس پر بند ہوا۔
100 انڈیکس کی ہفتہ وار بلند ترین سطح 42 ہزار 110 اور کم ترین سطح 41 ہزار 310 پوائنٹس رہی۔
- Advertisement -
ایک ہفتے میں اسٹاک مارکیٹ میں 65 کروڑ 26 لاکھ شیئرز کے سودے ہوئے، اس دوران 18.95 ارب روپے مالیت کا کاروبار کیا گیا۔
ایک ہفتے میں مارکیٹ کیپٹلائزیشن 50 ارب روپے بڑھ کر 6263 ارب روپے ہوگئی۔
