پاکستان کے غیر ملکی زرمبادلہ کے ذخائر میں مزید کمی

کراچی: گذشتہ ہفتے  کے دوران پاکستان کے مجموعی زرمبادلہ کے ذخائر میں 13 کروڑ 10 لاکھ ڈالرز کی کمی ریکارڈ کی گئی۔

اسٹیٹ  بینک کی جانب سے جاری کردی تفصیلات کے مطابق 13 کروڑ 10 لاکھ ڈالرز کی کمی سے  ملکی زرمبادلہ کے مجموعی ذخائر 13 ارب 3 کروڑ ڈالرز کی سطح پر آگئے۔

مرکزی بینک کے زرمبادلہ ذخائر میں 2 کروڑ 13 لاکھ ڈالرز کی کمی  ہوئی جس کے بعد مرکزی بینک کے ذخائر  7 ارب 61 کروڑ 54 لاکھ ڈالر رہ گئے۔

کمرشل بینکوں کے ذخائر میں 10 کروڑ 97 لاکھ ڈالر کی کمی ریکارڈ کی گئی جس کے بعد ان کے مجموعی ذخائر  کی مالییت  5 ارب 41 کروڑ 54 لاکھ ڈالرز  رہ گئی۔

Comments