لاہور: سابق کپتان انضمام الحق اور سابق چیئرمین پی سی بی رمیز راجا نیوزی لینڈ کے خلاف دوسرے ون ڈے میں قومی ٹیم کی شکست پر برس پڑے۔
اے آر وائی نیوز کے مطابق سابق کپتان انضمام الحق نے نیوزی لینڈ کے خلاف دوسرے ون ڈے میں گرین شرٹس کی شکست پر کہا کہ ٹیم کا اتحاد بکھرتا نظر آرہا ہے لگتا ہے کہ کھلاڑی صرف ٹیم میں اپنی جگہ پکی کرنے کے لیے کھیل رہے ہیں۔
سابق چیئرمین پی سی بی رمیز راجا نے ٹیم کی کارکردگی پر تنقید کرتے ہوئے کہا کہ ٹرننگ وکٹ پر ہدف حاصل کرنا بہت مشکل ہوتا ہے۔
New Zealand level the series 1-1 with a game to go.#PAKvNZ | #TayyariKiwiHai pic.twitter.com/FV4uLZfArN
— Pakistan Cricket (@TheRealPCB) January 11, 2023
انہوں نے کہا کہ لیفٹ ہینڈر بیٹر شان مسعود کے باہر ہونے سے اوپنرز پر اضافی دباؤ آرہا ہے۔
واضح رہے کہ نیوزی لینڈ نے پاکستان کو دوسرے ون ڈے میچ میں 79 رنز سے شکست دے کر تین میچز کی سیریز 1-1 سے برابر کردی تھی۔
دونوں ٹیموں کے درمیان سیریز کا فیصلہ کن میچ کل نیشنل اسٹیڈیم کراچی میں کھیلا جائے گا۔
