کراچی : باکمال لوگوں کی لاجواب سروس کا ایک اور نمونہ سامنے آگیا ، کراچی سے اسلام آباد جانے والی پرواز میں مسافروں کوباتھ روم کیلئے منرل واٹر کی بوتلیں دی جانے لگی۔
تفصیلات کے مطابق پی آئی اے کی ایک اور پرواز پر پانی کی عدم موجودگی کے باعث مسافروں کو مشکلات کا سامنا ہے۔
کراچی سے اسلام آباد جانے والی پرواز پر مسافروں کو باتھ روم کیلئے منرل واٹر بوتلیں دی گئیں، ذرائع نے بتایا کہ پرواز پر گورنر سندھ سمیت پارلیمینٹیرینز اور رکن پی آئی اے بورڈ آف ڈائریکٹرز بھی موجود تھے۔
ذرائع کا کہنا تھا کہ پانی نہ ہونے کے باعث دوران پروازمسافروں کو چائے، کافی اور گرم مشروبات بھی فراہم نہیں کئے گئے ، جہاز کے تمام باتھ روم سمیت اشیائے خوردونوش کی تیاری کی جگہ پر بھی پانی موجود نہیں تھا۔
ذرائع کے مطابق پانی کی عدم موجودگی کے باوجود طیارے کا سسٹم جہاز پر سو فیصد پانی کی موجود گی ظاہر کرتا رہا، پانی کی عدم موجودگی کے باعث مسافروں کی عملےسےتلخ کلامی کے واقعات بھی رپورٹ ہوئے۔
یاد رہے چند دن قبل بھی ٹورنٹو سے کراچی کی پروازپر 3 گھنٹوں کے بعد طیارےمیں پانی موجود نہیں تھا۔
