عالمی کپ میں بھارت سے ہارنے کی روایت برقرار رکھتے ہوئے پاکستان کرکٹ ٹیم کو آج کے میچ میں بھی شکست کا منہ دیکھنا پڑا۔
گرین شرٹس بیٹنگ اور بولنگ دونوں شعبوں میں بری طرح ناکام رہے، بالخصوص پاکستانی بیٹرز کی کارکردگی کافی خراب رہی اور وہ بڑا اسکور کرنے کا موقع گنوا بیٹھے۔اس میچ کے اختتام پر پی سی بی کی ٹوئٹ وائرل ہوگئی، جس میں آج کے دن کو پاکستان کے لیے مشکل قرار دیا گیا ہے۔
سوشل میڈیا پلیٹ فارم ’ایکس‘ پر اپنی پوسٹ میں پی سی بی کا کہنا تھا کہ آج مشکل دن تھا، بھارت نے آج کے میچ میں فتح حاصل کی، ٹیم ورلڈکپ 2023 کا اپنا اگلا میچ آسٹریلیا سے کھیلنے اب بنگلور روانہ ہوگی۔
Tough day at the office as India clinch the win today.
We head to Bengaluru for our next #CWC23 match against Australia.#INDvPAK | #DattKePakistani pic.twitter.com/ZLyNqKa2p1
— Pakistan Cricket (@TheRealPCB) October 14, 2023
پاکستان کرکٹ بورڈ کی جانب سے اس پوسٹ کے ساتھ میچ کے دوران لی گئی قومی پلیئرز کی تصویر بھی شیئر کی۔
واضح رہے کہ بھارت کے ہاتھوں ورلڈکپ مقابلوں میں لگاتار آٹھویں شکست پر شائقین کافی برہم ہیں۔ ایک مرحلے پر قومی ٹیم کے 152 رنز پر 2 کھلاڑی آؤٹ تھے مگر پھر اچانک پوری ٹیم 191 رنز پر ڈھیر ہوگئی اور بھارت باآسانی 7 وکٹو سے میچ جیتنے میں کامیاب رہا۔
