اسلام آباد: پاکستان ڈیموکریٹک موومنٹ (پی ڈی ایم) کے ترجمان حافظ حمد اللّٰہ کا چیئرمین پی ٹی آئی کی گرفتاری پر ردعمل سامنے آیا ہے۔
تفصیلات کے مطابق پی ڈی ایم کے ترجمان حافظ حمد اللہ نے کہا ہے کہ چیئرمین پی ٹی آئی کے جرائم حالیہ سزا پر بہت بھاری ہیں، یہ ملک کو معاشی، اقتصادی اور خارجہ طور پر تباہ کرنے ایجنڈے پر گامزن تھے۔
حافظ حمد اللہ کا کہنا تھا کہ گرفتاری سے متعلق انکا موازنہ دیگر سیاست دانوں سے نہ کیا جائے، چیئرمین پی ٹی آئی کے جرائم ضخیم کتاب کا موضوع ہے۔
توشہ خانہ کیس: چیئرمین پی ٹی آئی 5 سال کے لیے نااہل قرار، وارنٹ گرفتاری جاری
چیئرمین پی ٹی آئی کی گرفتاری پر پیپلز پارٹی کا موقف
واضح رہے کہ اسلام آباد میں سیشن کورٹ نے توشہ خانہ کیس میں محفوظ فیصلہ سناتے ہوئے چیئرمین پی ٹی آئی کو 3 سال قید کی سزا سنادی گئی اور ایک لاکھ جرمانہ عائد کر دیا، انھیں 5 سال کے لیے الیکشن ایکٹ کے تحت نا اہل بھی قرار دے دیا گیا ہے۔
عدالت نے توشہ خانہ کیس میں چیئرمین پی ٹی آئی کے وارنٹ گرفتاری بھی جاری کیے جس پر انھیں لاہور میں زمان پارک سے گرفتار کر کے کوٹ لکھپت جیل منتقل کر دیا گیا ہے۔
