پشاور : پشاور ہائی کورٹ نے آٹے کی قیمتوں میں اضافے کا نوٹس لیتے ہوئے وفاقی اور صوبائی حکام کو کل طلب کرلیا۔
تفصیلات کے مطابق آٹے کی قیمتوں میں اضافہ پر پشاورہائیکورٹ نے نوٹس لے لیا۔
عدالت نےمحکمہ خوراک کے وفاقی اور صوبائی حکام کو کل طلب کرلیا اور ساتھ ہی وفاقی اور صوبائی سیکرٹری فوڈ اور ڈائریکٹرفوڈ کو کل پیش ہونے کا حکم دے دیا۔
چیف جسٹس قیصر رشید خان نے ریمارکس دیےکہ عوام آٹے کیلئے ٹھوکریں کھا رہی ہے کوئی پوچھنے والا نہیں، وفاقی اور صوبائی حکومت عوام کو ریلیف دینے میں مکمل ناکام ہوگئی ہے۔
چیف جسٹس پشاور ہائی کورٹ نے استفسار کیا کیا اس صوبے میں کوئی وزیرخوراک ہے؟ حکومت ڈالروں کے پیچھے بھاگتی ہے لیکن عوام کو کچھ نہیں دے رہی۔
پشاور:عدالت نے محکمہ خوراک کے وفاقی اور صوبائی اعلیٰ حکام کو کل طلب کرلیا
اے آر وائی نیوز کی ڈیجیٹل ڈیسک کی جانب سے شائع کی گئی خبریں