پرندوں کو قید کر کے رکھنا نہایت ہی ظالمانہ حرکت ہے، اور قید پرندوں کو فضا میں آزاد کر دینا ایک نہایت ہی احسن اور نیک عمل، لیکن امریکا میں ایک خاندان کو اس نیک عمل نے پچھتانے پر مجبور کردیا جب ان کے آزاد کیے ہوئے پرندے کو ان ہی کے گھر کا پالتو کتا ہڑپ کرگیا۔
اس خاندان کے ایک رکن نے سماجی رابطوں کی ویب سائٹ ٹوئٹر پر اس پورے واقعے کی ایک ویڈیو بھی پوسٹ کی۔
دراصل یہ خاندان اپنے طور پر ایک اچھا کام کرنے جا رہا تھا اور اس کے لیے وہ اپنے گھر میں قید ایک پرندے کو فضا میں آزاد کرنا چاہ رہے تھے۔
تاہم اس وقت وہ اپنے پالتو کتے کو وہاں سے ہٹانا بھول گئے، جب انہوں نے پرندے کو آزاد کیا تو کافی عرصہ سے قید پنجرے کا عادی پرندہ اڑ نہ سکا اور لڑکھڑا کر زمین پر گر پڑا۔
اسی وقت ان کے پالتو کتے نے جھپٹا مار کر پرندے کو منہ میں دبایا اور تیزی سے وہاں سے بھاگ کھڑا ہوا۔ وہاں موجود افراد کی چیخ و پکار بھی اسے نہ روک سکی۔
We decided to let our bird go and this happened… pic.twitter.com/qSNGOfawV4
— Maritza Sanchez (@maritzuh) April 13, 2017
ٹوئٹر پر یہ ویڈیو پوسٹ ہونے کے بعد بہت سے لوگوں نے معصوم پرندے کے لیے دکھ اور افسوس کا اظہار کیا۔ ایک صارف نے کہا، ’کتے کو دیکھ کر لگتا ہے کہ وہ بہت عرصے سے اس دن کا انتظار کر رہا تھا‘۔
@maritzuh @dankbonnet He BEEN waitin on this day pic.twitter.com/9LJymrau62
— Zina (@DivineDaVinci) April 13, 2017
@maritzuh pic.twitter.com/OjUVmKc14I
— Krombopulos Michael (@Jesse_Jay50) April 14, 2017
@maritzuh pic.twitter.com/KrCgONmb94
— ♀️ (@SlimGoodyy) April 14, 2017
@maritzuh Sorry to say this, but your dog has been plotting on that bird since the minute y’all brought it in.
— dean. (@vxrnvn) April 13, 2017
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔