یکم فروری سے پیٹرول کی قیمت میں کتنا اضافہ ہونے والا ہے؟ عوام کے لیے بڑی خبر

اسلام آباد : یکم فروری سے پیٹرول کی قیمت میں 10 روپے تک اضافے کا امکان ہے، قیمتوں میں اضافے کا اعلان 31 جنوری 2024 کی رات ہوگا۔

تفصیلات کے مطابق عالمی منڈی میں خام تیل مہنگا ہونے پر پیٹرول اور ڈیزل مہنگا کرنے کی تجویز دے دی۔

ذرائع آئل انڈسٹری نے کہا کہ ایک لیٹر پیٹرول کی قیمت میں 10 روپے تک اضافے اور ایک لیٹر ہائی اسپیڈ ڈیزل کی قیمت میں سے 6 روپے 50 پیسے اضافے کی تجویز دے دی۔

ذرائع کا کہنا تھا کہ 2 ہفتوں میں عالمی مارکیٹ میں خام تیل 6.50 فیصد مہنگا ہوگیا۔

ذرائع آئل انڈسٹری نے کہا کہ لندن برینٹ ائل 78.29 ڈالر سے بڑھ کر 83.35 ڈالر فی بیرل پرپہنچ گیا، امریکی خام تیل 73.25 ڈالر سے بڑھ کر 78.40 ڈالر فی بیرل پر پہنچ گیا۔

ذرائع آئل انڈسٹری کا مزید کہنا تھا کہ قیمتوں میں اضافے کا اعلان 31 جنوری 2024 کی رات ہوگا۔

Comments