کراچی : پاکستان کی قومی ایئر لائن نے چین کے دیگر شہروں تک رسائی کا فیصلہ کرلیا، مذکورہ اقدام سے پاک چین دوستی کو مزید تقویت ملے گی۔
تفصیلات کے مطابق قومی ایئر لائن پی آئی اے نے چین کے16شہروں تک بیک وقت فضائی آپریشن بڑھانے کا اعلان کیا ہے۔
اس حوالے سے ذرائع کا کہنا ہے کہ پی آئی اے نے بیجنگ، شنگھائی کے بعد مزید 14شہروں تک فلائٹس چلانےکا پلان تیار کرلیا۔
- Advertisement -
پی آئی اے کراچی، اسلام آباد اور لاہور سمیت دیگر شہروں سے چین کے16شہروں کیلئے فلائٹس چلائے گی۔
چین کے16شہروں میں بیک وقت فلائٹس سے پاکستان اور چین تعلقات اور دوستی میں مزید اضافہ ہوگا، پی آئی اے کے اس فیصلے سے چین میں فلائٹس نیٹ ورک بڑھانے سے ایئرلائن کی آمدنی میں بھی خاطر خواہ اضافہ ہوگا۔
