اسلام آباد : وزیر اعلیٰ سندھ مراد علی شاہ نے وزیر اعظم شہباز شریف کو کراچی پولیس آفس پر حملے سے متعلق تفصیلات سے آگاہ کردیا۔
تفصیلات کے مطابق وزیراعظم شہبازشریف نے وزیر اعلیٰ سندھ سیدمرادعلی شاہ سے ٹیلی فونک رابطہ کیا۔
جس میں وزیر اعلیٰ سندھ نے وزیر اعظم کو کراچی پولیس چیف دفتر پر حملے سے متعلق تفصیلات سےآگاہ کیا۔
وزیراعلیٰ سندھ نے حملہ آوروں سےمتعلق جمع کئے گئے حقائق سے بھی وزیراعظم کو آگاہ کیا۔
وزیراعظم نے وزیراعلیٰ سندھ سے گفتگو مین کہا کہ اللہ کاشکرہےبڑاجانی نقصان یا تباہی نہیں ہوئی، فورسزنے بڑی بہادری سے حملہ آوروں کاخاتمہ کیا۔
شہباز شریف کا کہنا تھا کہ میری طرف سےتمام افسران اور اہلکاروں کوشاباش دیں، دہشت گردی کے خاتمے کے لئے صوبائی حکومتوں کی استعدادکاربڑھانےمیں معاونت کریں گے۔
وزیراعظم نےبروقت کارروائی اور موقع پرموجود رہنے پر وزیر اعلیٰ سندھ کے جذبے کی تعریف کی۔