اسلام آباد : وزیر اعظم میاں شہباز شریف نے میلبرن میں ہونے والے ٹی ٹوینٹی میچ کے دلچسپ مقابلے میں بھارت سے شکست کے بعد پاکستان ٹیم کے حوصلے بلند کرتے ہوئے پیغام جاری کیا ہے۔
سماجی رابطے کی ویب سائٹ ٹوئٹر پر اپنے پیغام میں انہوں نے اظہار خیال کرتے ہوئے قومی ٹیم کی کارکردگی کی تعریف کی۔
وزیراعظم شہباز شریف نے اپنی ٹوئٹ میں کہا کہ مقابلہ بہت شاندار تھا، پاکستان کرکٹ ٹیم نے بہترین کوشش کی اور اچھا کھیل پیش کیا۔
Brilliant effort, Team Pakistan 🇵🇰 👏. Great game!
— Shehbaz Sharif (@CMShehbaz) October 23, 2022
ٹی 20 ورلڈ کپ کے سپر12 مرحلے کے میچ میں انتہائی سنسنی خیز مقابلے کے بعد بھارت نے پاکستان کو 4 وکٹوں سے ہرادیا۔ دنیا بھر میں کرکٹ کے مداحوں نے اس مقابلے کو ورلڈ کپ کے فائنل سے بھی بڑا مقابلہ قرار دیا۔
مزید پڑھیں : سنسنی خیز مقابلے کے بعد بھارت نے پاکستان کو شکست دے دی
پاکستان نے مقررہ 20اوورز میں بھارت کو جیت کے لیے 160 رنز کا ہدف دیا تھا، قومی ٹیم اعصاب شکن مقابلے کے بعد جیت نہ سکی تاہم بولرز نے 160رنز کے دفاع میں کوئی کسر نہیں چھوڑی اور ٹیم میچ کو آخری گیند تک لی گئی۔
