مسلم لیگ ن کے رہنما و سابق وزیراعظم شاہد خاقان عباسی کا کہنا ہے کہ پہلے ہی کہا تھا نیب ختم کردو اب مقدمات سب بھگتیں گے۔
اے آر وائی نیوز سے خصوصی گفتگو کرتے ہوئے ن لیگی رہنما شاہد خاقان عباسی نے کہا کہ پہلے ہی کہہ چکا تھا کہ نیب کردو ورنہ ملک نہیں چلے گا، یہ بھی کہا تھا برسر اقتدار جماعت کے مقدمات روزانہ کی بنیاد پر چلنے چاہئیں یہ دونوں کام نہیں ہوئے غلط کیا اب یہ سب بھگتیں گے۔
انہوں نے کہا کہ سیاست دانوں کے خلاف ہی مقدمات بنیں گے، نیب کو بنے چوبیس سال ہوگئے سیکڑوں مقدمات بنے بتائیں آج تک کس کو سزا ہوئی ہے۔
شاہد خاقان عباسی نے کہا کہ نیب ناکام ادارہ ہے، اسے رکھیں گے تو نقصان ہی ہوگا۔
واضح رہے کہ سپریم کورٹ نیب ترامیم کے خلاف چیئرمین پی ٹی آئی کی درخواست قابل سماعت قرار دیتے ہوئے نیب ترامیم کی 10 میں سے 9 ترامیم کالعدم قرار دیدیں۔
چیف جسٹس پاکستان عمر عطا بندیال نے اپنی مدت ملازمت کے آخری روز اس کیس کا فیصلہ سنایا۔
چیف جسٹس عمر عطا بندیال نے کہا کہ لیڈیز اینڈ جنٹلمین، دو ایک کی اکثریت سے فیصلہ سنا رہے ہیں۔ پریم کورٹ کے تین رکنی بینچ میں شامل جسٹس منصور علی شاہ نے فیصلے پر اختلاف کیا ہے۔
