کراچی : سندھ پولیس نے بلاسٹ شیٹ کی خریداری کا فیصلہ کرلیا ، کراچی پولیس آفس حملے میں دہشت گردوں سے لڑائی میں بلاسٹ شیٹ کی وجہ سے کئی افسران و جوانوں کی زندگیاں محفوظ رہیں۔
تفصیلات کے مطابق رینجرز کے بعد سندھ پولیس نے بھی بلاسٹ شیٹ کی خریداری کا فیصلہ کرلیا۔
سندھ پولیس نے بلاسٹ شیٹ خریداری کی تیاری مکمل کرلی ہے ، 10 بلاسٹ شیٹ مختلف ڈسٹرکٹ اور زونز میں رکھی جائیں گی۔
بلاسٹ شیٹ کامستقبل میں کسی بھی آپریشن میں استعمال کیا جاسکے ، خصوصی بلاسٹ شیٹ بم اور بلٹ پروف ہوگی۔
کراچی پولیس آفس حملے میں دہشت گردوں سے لڑائی میں بلاسٹ شیٹ کا استعمال کیا گیا تھا ، بلاسٹ شیٹ کی وجہ سے کئی افسران و جوانوں کی زندگیاں محفوظ رہیں۔
بلاسٹ شیٹ صرف رینجرز جوانوں کے پاس موجود تھی ، اگر پولیس کے پاس بلاسٹ شیٹ ہوتی تو نقصان کم ہوسکتا تھا۔
کراچی پولیس آفس حملے میں بلاسٹ شیٹ کے استعمال کے باعث کئی جوان محفوظ رہے ، بارودی مواد،دستی بم حملےکی زد میں آنے والی بلاسٹ شیٹ کی تصویر بھی سامنے آگئی ہے، بلاسٹ شیٹ سے 10 کے قریب دھات کے ٹکڑے نکالے گئے۔
